لأنّو هَالقد منحِب لبنان ،
محَوَّطين بِأَجمَل فريق عمَل ، ما استسلَم، ما هاجَر، بعدو مآمن بِلبنان ، ومتأكد أنهّا غَيمة سودا ورح تمرُق.
وقفنا وقفة عز،ّ حد بعضنا البعض، حلمنا بِعيد، كان وبعدو، بِينّطَر كل سنة، بنفس الموعد.
” قرنعون حكاية عيد” بعدا عم تحكي قصّة إبداع، وصلابة اللّبناني، وتعلّقو بأرضو.
بحضور إعلامي واسع، ومحبّين كتار، إفتتحت قرنعون القرية الميلاديّة نسختها العاشرة.
تزامن الإفتتاح مع إفتتاح ضيعة لبنانية الطّابع ، أُنجزت بسرعة قياسيّة، بالرّغم من كل الظروف الصّعبة، كرمال تعيد الأمل بلبنان، ما بيليق ينحكى عنّو، إلّا قصص الفرح والعزّ والجمال.
من سنة لسنة، الإبداع عم بيزيد، وهالنسخة أبدع فيها أكتر من حدا
الإبداع الأوّل لمجيد حكيّم صاحب قرنعون ، يلّلي بإرادة وعزم بتفوق الظروف المحيطة ، وبعمل متواصل ليل نهار، مع فريق عمل ما بيتعب، وما بيوقف يحلم ، تحقق هالحلم النّايم، بأقل من شهرين.
الإبداع التاني، تجلّى بالفريق اللي زيّن وعطى لمسة سحرية للعيد، وبفريق التّرفيه يللي بينقل النّاس لَعالم من المرح والضّحك والسّعادة ، السّعادة يللّي نسيوا النّاس إنها موجودة فيهن وبلبنان.
وما فينا ننسى زيارة بيت “بابا نويل” وأخد صور تذكارية معو، ومعاونينو يلّلي مشغلّين الضّيعة بأشغالهن الحرفية، والرّسم عالوجوه بألوان العيد، وتحضير كعك العيد، وغير من العاب ورقص متنوعين.
والولاد يللّي ما بتكمل فرحة العيد، إلّا بفرحهن وضحكتهن ، مسرحيّة الدّمى بضيعة الميلاد، بتحكي قصة الحبّ ،اللي بيغلب التنمّر، بإطار مسرحي رائع.
أما الإبداع الفنّي الأكبر والمميّز، كان ب “مغناة نورا” من تأليف رفقا فارس وجيلبير رحباني ،يلّلي أبدعوا بتأليف النّص وبتلحين وتسجيل الموسيقى مع أوركسترا عالمية بِ بودابيست لَيقدموا عمل لبناني رائع، بمستوى عالمي.
وما بيمرق العيد، إلا ما يمرق صاحب العيد، بحضور خشوعي، تقشعّر له الأبدان، لمّا الكل بينحني قدام عظمة حبّو الكبير، بمشهديّة ميلادية، بتتمثّل بمريم الحاملة الطفل الموعود، وكإنّها عم تشدد عزمنا من جديد، لنآمن بأرضنا أكتر وأكتر.
وهيك قرنعون بتكون عم تحكي “حكاية عيد” مليانة أمل وحب، وصورة حلوة عن بلد، من أحلى البلدان.
بتفتح الضّيعة أبوابها للزّوار باللّيل وبالنّهار
برنامج النّهار من السّاعة 11:00 صباحا حتّى السّاعة 6:00 مساء
وبيتخلّل النّهار ترويقة، وبوفيه مفتوح، ونشاطات ، وعروضات مسرحيّة ميلاديّة متعدّدة.
برنامج اللّيل بيبدا من السّاعة 7:00 مساء حتّى منتصف اللّيل .
بيتضمّن السّوق الميلادي:
-مأكولاتومشروبات متنوّعة
– نشاطات العيد
– معرض أشغال يدويّة وحرفيّة
-عروضات مسرحيّة ميلاديّة
– عرض غنائي مع بابا نويل
– مغناة نورا
تستقبل القرية الميلادية زوّارها يوميا إبتداء من 22 كانون الأول
تواصلوا معنا على الأرقام التّالية: 03/342502 -06/642111
ينعاد عليكم بالحب من قرنعون “حكاية عيد”
