بقلم//جهاد أيوب روحي ولا تتلفتي تعب قلبي منك حاجي تتلوني زرعتي الشر وجافيتي وع دروب العمر عربشتي وما كتفيتي وتعمدتي تسرقي الايام ع كتافي وتهشلي بالوديان وما تخافي خليكي انت والاحلام ما تنامي وتنسي جلساتنا تحت الصفصافي انتهى كل يلي كان وبخاطرك ما رح قولها مهما تعربشي بحنان وبمشي وما بسأل المكان وما بهتم تصلبي الحب ع قبر الزمان والدمع بعينك ما عاد يزرع امان بدعيلك تبعدي وتمشي بالوديان وطيفك يغيب وما تشوفي الامان لا تتنهدي بيكفي ما عاد عنين حبك بكفي ولا صوتك دوا بيشفي ولا سهم حبك بنصفي روحي الله معك يمكن بعادك عني بعزي وتذكري مع كل صلاة حبيتك متل ما الرهبان بتحب الدير ومتل ما الشيخ بحب ركوب الخيل
