وجهّت بولا الحجل رسالة مؤثرة عبر حسابها الخاص على “فايسبوك” الى شقيقتها ميشيل الحجل قالت فيها
“بكرا عرسك انكتبلك عمر جديد عمر طاهر متلك. بكرا وبعدو رح افقدلك وقت روح عند ماما مش رح لاقيكي ناطرتيني. مهما كبرتي رح تضلي بعيوني طفلة اللي بتركض لعندي بس تحس بالوحدة، وقت تفرح ووقت تزعل
ومين غيري رح يحمل همك بهالعمر، ما انا سندك وانت قلبي وروحي انت عيني اللي بقشع فيا. عهد علي ابقى سندك وسند اختك وامك وبيك يا كل حياتي
اختي حبيبتي، ضحكنا كتير وبكينا كتير وتعذبنا اكتر من كتير. ياما حكينا اسرار لبعض يا ما سهرنا وتحكيلي احلامك الزغيري
كبرتي يا زغيري صرتي عروس والأبيض شو لابقلك وعريسك فوق ناطرك تيكمل فرحتك
يسوع، انتبه عليا لأنها الروح.. اااااه يا قلبي
وفي تعليق آخر، دعت بولا محبّي ميشيل الى ارتداء الابيض يوم دفنها وقالت:”اللي بيحب ميشيل يلبس ابيض يوم عرسا مش اسود، هيدي كانت امنيتها،الابطال بيروحو بكير
